Акафист неупиваемой чаше

Содержание

>Молитвы перед иконой Божией Матери «Неупиваемая чаша»

В этой статье Вы найдёте текст молитвы и акафиста к иконе Пресвятой Богородицы «Неупиваемая чаша».

Молитвы ко Пресвятой Богородице ради Ея иконы «Неупиваемая Чаша»

Тропарь, глас 4

Днесь притецем вернии / к Божественному и пречудному образу Пресвятыя Богоматери, / напояющей верных сердца / небесною неупиваемою чашею Своего милосердия / и людям верным чудеса показующей. / Яже мы видяще и слышаще духовно празднуем и тепле вопием: / Владычице Премилостивая, / исцели наша недуги и страсти, / моляще Сына Твоего, Христа Бога нашего, спасти души наша.

Кондак, глас 6

Бысть чрево Твое святая Трапеза, / имущая Небеснаго Хлеба, / Христа Бога нашего, / от Негоже всяк ядый не умирает, / якоже рече всех, Богородительнице, Питатель.

Стихира по 50-м псалме, глас 6

Днесь Владычицы чудотворная икона прославляется, / днесь вернии на молитву пред нею отовсюду собираются, / днесь и маловернии помыслми покаяния озаряются, / силы Небесныя о славе Пречистыя радуются, / мы же, яко Ангелом научихомся, тако вопием: / радуйся, Благодатная, Господь с Тобою, / благословена Ты в женах, / благословено Твое к нам милосердие, / благословен Плод чрева Твоего, слава Тебе.

Молитва иконе Богородицы «Неупиваемая чаша»

О, премилосердная Владычице! К Твоему заступлению ныне прибегаем, молений наших не презри, но милостиво услыши нас: жен, детей, матерей; и тяжким недугом пианства одержимых, и того ради от матери своея — Церкви Христовой и спасения отпадающих, братьев, и сестер, и сродник наших исцели.

О, милостивая Мати Божия, коснись сердец их и скоро возстави от падений греховных, ко спасительному воздержанию приведи их.
Умоли Сына Своего, Христа Бога нашего, да простит нам согрешения наша и не отвратит милости Своея от людей Своих, но да укрепит нас в трезвении и целомудрии.

Приими, Пресвятая Богородице, молитвы матерей, о чадах своих слезы проливающих, жен, о мужех своих рыдающих, чад, сирых и убогих, заблуждшими оставленных, и всех нас, к иконе Твоей припадающих. И да приидет сей вопль наш, молитвами Твоими, ко престолу Всевышняго.

Покрый и соблюди нас от лукаваго ловления и всех козней вражиих, в страшный же час исхода нашего помоги пройти непреткновенно воздушные мытарства, молитвами Твоими избави нас вечнаго осуждения, да покрыет нас милость Божия в нескончаемые веки веков. Аминь.

Акафист Пресвятой Богородице ради чудотворной Ея иконы “Неупиваемая Чаша”

Кондак 1

Избранное и дивное избавление нам даровася, / Твой образ честный, Владычице Богородице, / яко избавльшеся явлением его от недугов душевных и телесных / и скорбных обстояний, / благодарственная хваления приносим Ти, Всемилостивая Заступнице. / Ты же, Владычице, “Неупиваемою Чашею” нами именуемая, / приклонися благоутробно к нашим воздыханиям / и воплем сердечным, / и избавление подаждь страждущим недугом пианства, / да с верою воззовем Ти: / Радуйся, Владычице, Неупиваемая Чаша, / духовную жажду нашу утоляющая.

Икос 1

Ангельские чины и праведников сонмы непрестанно славят Тя, Царицу Богородицу, ходатаицу о многогрешнем роде христианском, погрязшем в беззаконии и пребывающем во гресех, ибо во утешение и спасение даруеши ему милость Свою чрез многоименуемыя чудотворныя иконы Твоя, их же яко звезды небесныя по всей земли нашей зрим; к единому же из сих образов, “Неупиваемая Чаша” именуемому, припадающе, из глубины сердца взываем Ти:
Радуйся, неприступнаго Божества селение; радуйся, непрестанное людей удивление.
Радуйся, скорбями грехи наша очищающая; радуйся, печальми наша немощи врачующая.
Радуйся, милость Свою чрез чудотворныя иконы Твоя нам свыше посылающая; радуйся, явлением их скорбныя сердца наша возвеселяющая.
Радуйся, пречудное всех с Богом примирение; радуйся, геенны вечныя избавление.
Радуйся, Владычице, Неупиваемая Чаша, духовную жажду нашу утоляющая.

Кондак 2

Видяще Пресвятая Владычица скорби сердечныя, муки душевныя, искреннее покаяние людей, одержимых губительным пороком пианства, благоволила еси явити Богоспасаемому граду Серпухову милость Свою явлением пречуднаго образа Своего “Неупиваемая Чаша”, да вси к нему припадающе с верою и сокрушенным сердцем, получив исцеление от тяжкаго недуга своего, из глубины души вопиют Богу: Аллилуиа.

Икос 2

Разумев трикратное явление преподобнаго Варлаама и повеление его в путь шествовати в Богоспасаемый град Серпухов, человек некий, страстию пианства одержимый, обрете тамо в монастыре икону Твою святую, “Неупиваемая Чаша” именуемую. Мы же, видяще таковое о нас грешных попечение, с благоговением вопием Ти:
Радуйся, чрез благочестивых людей славу чудес Твоих грешным открывающая; радуйся, путеводительнице прозорливая, путь спасения им показующая.
Радуйся, всеблагая наша наставнице, любовию Твоею нас привлекающая; радуйся, за вся благодеяния Твоя благодарению нас научающая.
Радуйся, скорбь нашу в радость претворяющая; радуйся, несомненною надеждою нас увеселяющая.
Радуйся, губительныя страсти наша разрушающая; радуйся, благим намерением способствующая.
Радуйся, Владычице, Неупиваемая Чаша, духовную жажду нашу утоляющая.

Кондак 3

Сила Вышняго и благодать Владычицы укрепляше некоего человека, страждущаго недугом пианства, егда он, нози расслаблены имуще, иде во град Серпухов, повеление Богоматери, чрез преподобнаго Варлаама реченное, исполняя. Пришед же во град сей, обрете икону Пречистыя Богоматери, абие исцеле от недуга своего душевнаго и телеснаго и из глубины души благодарственно воззва Богу: Аллилуиа.

Икос 3

Имуще источник неоскудеваемый, неупиваемую чашу небесных дарований, не токмо люди града Серпухова, но и вси православные христианы иных градов и весей, притекающии к Твоему пречудному образу, “Неупиваемая Чаша” именуемому, и пред сим получив исцеление, припадающе, благодарными устами вопиют Ти:
Радуйся, купель, в нейже вся скорби наша погружаются; радуйся, чаше, ею же радость спасения нашего восприемлем.
Радуйся, наша немощи душевныя и телесныя врачующая; радуйся, страсти наша силою молитв Твоих укрощающая.
Радуйся, коемуждо во всякой потребе просящим полезная дарующая; радуйся, бесчисленныя щедроты всем подающая.
Радуйся, милости сокровище нам открывающая; радуйся, милосердие к падшим являющая.
Радуйся, Владычице, Неупиваемая Чаша, духовную жажду нашу утоляющая.

Кондак 4

Бурю внутрь имущии помышлений сумнительных, но с искренним покаянием притекающии к Твоему неизреченному милосердию, одержимии пианственною страстию, получают исцеление, и из глубины сердца вопиют рожденному от Тебе Спасителю нашему: Аллилуиа.

Икос 4

Слыша Господь тяжкие скорби, вопли и плач жен, стариц, детей, сродницы коих обуреваеми суть пианственною страстию, дарова им, Владычице, Твою икону, от нея же вси притекающии обретают утешение и радость духовную и вопиют Ти со слезами:
Радуйся, Агнице, рождшая Агнца, вземлющаго грехи мира; радуйся, чаше, черплющая нам радость от источника бессмертия.
Радуйся, скорбных матерей утешение; радуйся, безнадежных надеждо.
Радуйся, притекающих к Тебе благодатное охранение; радуйся, скорбящих отрадо и увеселение.
Радуйся, волнение страсти пианства утишающая; радуйся, руку помощи Твоея требующим простирающая.
Радуйся, Владычице, Неупиваемая Чаша, духовную жажду нашу утоляющая.

Кондак 5

Яко Боготечную звезду, честную икону Твою Ты нам показала еси, Владычице мира, юже мы зряще, с верою сердечною молящеся Тебе, Богородице, глаголем: Исцели пианством и иною болезнею душевною и телесною страждущих, верных же научи воспевати хвалу Богу: Аллилуиа.

Икос 5

Видяще чудеса преславныя и знамения пречудныя, бываемые не токмо от иконы Твоея, Богомати, во граде Серпухове явленныя, но и от по подобию сея иконы списанных изображений, припадающе к ним, смиренно вопием Ти:
Радуйся, скоропредстательная Помощнице усердно к Тебе притекающих; радуйся, благосердная услышательнице молений наших.
Радуйся, град Серпухов благословением Твоим осенившая; радуйся, в пределах Московских славу чудес Твоих показавшая.
Радуйся, всем требующим сокровище исцелений неоскудное; радуйся, в трезвении благоподвизающихся всемощная Покровительнице.
Радуйся, ведущим брань противу мира, плоти, диавола и пианства добрая Споспешнице; радуйся, в мире благочестно живущих усердная Заступнице.
Радуйся, Владычице, Неупиваемая Чаша, духовную жажду нашу утоляющая.

Кондак 6

Проповедающе чудеса Твоя, Богородительнице, от иконы Твоея, “Неупиваемая Чаша” именуемая, бываемыя, молим Тя, Пречистая, со слезами: Избави всех нас от виннаго пристрастия и от падения греховнаго, научи нас воздержанию, подвизая воспевати Богу: Аллилуиа.

Икос 6

Возсияла еси в светлости Божественныя славы, Дево Богоотроковице, на Младенца, Превечнаго Бога, Господа нашего Иисуса Христа зряще, Иже в сосуде, аки в неупиваемой чаше предстоит, якоже Тя видим изображенную на иконе Твоей, “Неупиваемая Чаша” таинственно пронареченней, от неяже избавление от пианственной страсти притекающим с верою даруеши: сего ради со слезами приносим Тебе гласы немолчныя сице:
Радуйся, яко о Тебе радуется и торжествует ангельский собор и человеческий род; радуйся, яко Твоя слава превосходит похвалы земныя и небесныя.
Радуйся, таинственным изображением Сына в сосуде Тайну Божественныя Евхаристии нам открывающая; радуйся, рожденнаго Тобою Агнца, всегда ядомаго и никогдаже иждиваемаго, нам дивно указующая.
Радуйся, чаше жизни и бессмертия, ко вратам вечныя жизни нас приводящая; радуйся, источником нетления и радости жаждущия души напояющая.
Радуйся, неисчетною благостию не оставляющая самых презренных и отверженных; радуйся, от рова погибели милосердием Твоим исхищающая безнадежных.
Радуйся, Владычице, Неупиваемая Чаша, духовную жажду нашу утоляющая.

Кондак 7

Хотя человек некий возблагодарити Тя, Владычице, за исцеление от недуга пианства, украси Твою пречудную икону, Богомати, во граде Серпухове пребывающую, из глубины сердца воспевая Богу: Аллилуиа.

Икос 7

Новое чудо видим, Владычице, от иконы Твоея святыя: страждущий бо недугом пианства некий раб Божий Стефан, прибегая к Твоему матернему предстательству, от тяжкаго недуга своего избавися, и, благодаряще Тя, благолепными дары икону Твою украси, и, припадающе к ней, со слезами возопи Тебе тако:
Радуйся, Живоносный Источниче исцелений; радуйся, чаше небесная Божественных дарований.
Радуйся, реко исцелений приснотекущая; радуйся, море, вся наша страсти потопляющее.
Радуйся, под тяжестью греха пианства падающих матернима рукама Твоима возставляющая; радуйся, благодарственныя дары не отвергающая.
Радуйся, сердца благочестивых людей возвеселяющая; радуйся, вся благая прошения наша исполняющая.
Радуйся, Владычице, Неупиваемая Чаша, духовную жажду нашу утоляющая.

Кондак 8

Странно и сумнительно неверующим слышати, како икона Твоя святая “Неупиваемая Чаша” Божественных исцелений источает чудо. Мы же, веруя слову Твоему, Владычице, реченному к первописанней Твоей иконе: “Благодать Рождшагося от Мене и Моя с сею иконою да будет”, — веруем, яко и сия икона Твоя благодать Твою источает. Темже благоговейно поклоняющиеся, лобызаем ю, вопиюще Богу: Аллилуиа.

Икос 8

Все упование людие, страждущие недугом пианства, на Тя, Владычице, возлагают. Приклонися к немощем и страстем нашим, кто бо нас грешных изведет из рова погибели и нищеты духовныя и телесныя, аще не Ты, Владычице, сего ради, преклонше колена пред Твоим пречистым образом, вопием Ти тако:
Радуйся, моления грешников не отвергающая; радуйся, призывающим Тя Свою небесную помощь ниспосылающая.
Радуйся, глубину милосердия Твоего грешным показующая; радуйся, отчаянных и безнадежных ободряющая.
Радуйся, одержимым страстию пианства руку помощи простирающая; радуйся, терпеливых страдальцев благодатными дарами утешающая.
Радуйся, недуги наша душевныя и телесныя врачующая; радуйся, суетныя радости мира сего презирати нас научающая.
Радуйся, Владычице, Неупиваемая Чаша, духовную жажду нашу утоляющая.

Кондак 9

Всякое естество ангельское удивися делу Твоего милосердия, Господи, яко даровал еси грешному роду человеческому твердую Заступницу и Помощницу, к нашим немощем приклоняющуюся и от горькаго недуга пианства свобождающую, верныя же научающую пети Богу: Аллилуиа.

Икос 9

Витии человечестии недоумеют восхвалити по достоянию славное, Владычице, иконы Твоея явление. Ниже мы, грешнии, от скверных устен наших возможем принести достойное похваление Заступнице нашей. Обаче неисчетныя чудеса, иконою Твоею являемая, видевше, душею и сердцем радуяся, Тебе глаголем:
Радуйся, от священнаго лика Твоего чудеса источающая; радуйся, от бед и скорбей скоро избавляющая.
Радуйся, отвергающих Тя посрамляющая; радуйся, от всякаго зла прибегающих к Тебе сохраняющая.
Радуйся, кротким сиянием Твоим мрак греха и мглу страстей наших разгоняющая; радуйся, души наша любовию к Тебе и Сыну Твоему исполняющая.
Радуйся, на стезю покаяния нас премудре наставляющая; радуйся, добраго ответа пред Судиею Праведным нам усердная ходатаице.
Радуйся, Владычице, Неупиваемая Чаша, духовную жажду нашу утоляющая.

Кондак 10

Спасти хотя многия, страждущия недугом пианства, чудную икону Твою, Богомати, даровала еси, да вси, одержимии сею страстию, к чудотворному образу Твоему притекают и, получив исцеление, во умилении взывают Богу: Аллилуиа.

Икос 10

Стена еси и щит, Богомати, людем, страждущим недугом пианства, и всем, усердно к Тебе притекающим и икону Твою святую благоговейно чтущим. Ибо сию дарова нам благих податель Господь в помощь и врачевство от губительной страсти, и сим внушает нам пети Тебе:
Радуйся, отчаянных надеждо и печалей наших утоление; радуйся, болезней душевных и телесных исцеление.
Радуйся, нашу скверну чистотою Твоею очищающая; радуйся, Своею благодатию наше недостоинство просвещающая.
Радуйся, брение наше тленное в нетление облекающая; радуйся, моления наша Твоим предстательством подкрепляющая.
Радуйся, в неможении нашем нас утверждающая; радуйся, облегающий нас облак страстей скоро разгоняющая.
Радуйся, Владычице, Неупиваемая Чаша, духовную жажду нашу утоляющая.

Кондак 11

Пение наше смиренное, от полноты любви и усердия Тебе приносимое, не презри, Чистая, и не отврати от отчаявшихся и страждущих недугом пианства лика Своего, но помоги им и нам очиститься от всякия скверны греховныя, да возможем достойно и праведно пети Богу: Аллилуиа.

Икос 11

Светоприемную свещу зрим Тя, Пресвятая Дево, ибо образ Твой святый лучами благодати Твоея мглу греховную прогоняет и на светлую стезю добродетелей наставляет с верою зовущих Ти таковая:
Радуйся, заступлением Твоим от суеты мира сего многомятежнаго нас избавляющая; радуйся, приражения страстей плотских отражати нам помогающая.
Радуйся, мысль благу в сердце наше полагающая; радуйся, нечистую совесть нашу просвещающая.
Радуйся, от мучительнаго недуга пианства страждущих избавляющая; радуйся, к искреннему покаянию и вразумлению призывающая.
Радуйся, души всех озлобленных умягчающая; радуйся, на помощь Тя призывающих и имя Твое славящих спасающая.
Радуйся, Владычице, Неупиваемая Чаша, духовную жажду нашу утоляющая.

Кондак 12

Благодать Божия, присущая иконе Твоей, “Неупиваемая Чаша” именуемой, влечет к ней, Владычице, всех скорбящих, обездоленных, вдов и стариц, а наипаче же всех страждущих недугом пианства, и не тщетны отходят, Пречистая, от неупиваемой чаши Твоих Божественных дарований, но неоскудно получая цельбы от чудотворнаго образа Твоего, Всеблагая, благодарственно поют Богу: Аллилуия.

Икос 12

Поюще Твоя чудеса и велию милость, людем, одержимым страстию пианства, явленныя, молим Тя, Владычице, спаси и помилуй, и настави нас на стезю праву, и не остави нас, покрова Твоего ищущих и зовущих Ти:
Радуйся, к воздержанию от греха пианства всех подвизающая; радуйся, от пристрастия к вину росою милости Твоея свобождающая.
Радуйся, страждущих от тяжкаго греха пианства присное врачевание; радуйся, бедствующим в страстех скорая Помощнице.
Радуйся, малодушных дивное ободрение; радуйся, благодушных велия радость.
Радуйся, гордых смиряющая; радуйся, смиренныя возвышающая и всем спасения желающая.
Радуйся, Владычице, Неупиваемая Чаша, духовную жажду нашу утоляющая.

Кондак 13

О, премилостивая Мати Сладчайшего Господа нашего Иисуса Христа! Нынешнее наше услыши моление и избави нас от всех недугов душевных и телесных, наипаче же свободи страждущих недугом пианства рабов Твоих (имена), да не во зле погибнут, но да спасенныя Тобою присно вопиют Богу: Аллилуиа.

(Сей кондак глаголи трижды. А по сем читай икос 1 и кондак 1).

Вы прочитали статью Молитвы и Акафист Божией Матери Неупиваемая чаша. Возможно, Вам будет интересно:

Что такое молитва?

Молитвы от пьянства и наркомании

Молитвы от сглаза и порчи: существуют ли они?

Молитвы к Богородице

Акафист преподобному Серафиму Саровскому

Молитва Спиридону Тримифунтскому

Акафист Пресвятой Богородице пред иконой «Неупиваемая Чаша»

Избра́нное и ди́в­ное из­бав­ле́­ние нам да­ро­ва́­ся Твой о́б­раз чест­ны́й, Вла­ды́­чи­це Бо­го­ро́­ди­це, я́ко из­ба́вль­ше­ся яв­ле́­ни­ем его́ от не­ду́­гов ду­ше́в­ных и те­ле́с­ных и ско́рб­ных об­стоя́­ний, бла­го­да́р­ствен­ная хвале́ния при­но́­сим Ти, Все­ми́­лос­ти­вая За­сту́п­ни­це. Ты же, Вла­ды́­чи­це, «Неупива́емою Ча́шею» на́­ми имену́емая, приклони́ся бла­го­утро́б­но к на́­шим воздыха́нием и во́плем серде́чным и из­бав­ле́­ние по­да́ждь стра́­жду­щим неду́гом пиа́нства, да с ве́­рою воззове́м Ти:

Ра́­дуй­ся, Вла­ды́­чи­це, Неупива́емая Ча́ше, духо́вную жа́жду на́­шу утоля́ющая.

А́нгельстии чи́ни и пра́ведников со́нми непреста́нно сла́вят Тя, Цари́цу Богоро́дицу, Хода́таицу о многогре́шнем ро́де христиа́нстем, погря́зшем в без­за­ко́­ни­их и пребыва́ющем во гре­се́х, и́бо во уте­ше́­ние и спа­се́­ние да́руеши ему́ ми́­лость Свою́ чрез многоиме́нныя чудотво́рныя ико́­ны Твоя́, и́хже, я́ко зве́зды не­бе́с­ныя, по всей зем­ли́ на́­шей зрим; к еди́­но­му же из сих о́бразов, «Неупива́емая Ча́ша» имену́емому, при­па́­даю­ще, из глу­би­ны́ се́рд­ца взы­ва́­ем Ти:

Ра́­дуй­ся, непристу́пнаго Бо­же­ства́ се­ле́­ние; ра́­дуй­ся, непреста́нное лю­де́й удив­ле́­ние.

Ра́­дуй­ся, скорбьми́ гре­хи́ на́­ша очища́ющая; ра́­дуй­ся, печа́льми на́­ша не́­мо­щи врачу́ющая.

Ра́­дуй­ся, ми́­лость Свою́ чрез чудотво́рныя ико́­ны Твоя́ нам свы́­ше посыла́ющая; ра́­дуй­ся, яв­ле́­ни­ем их ско́рбная серд­ца́ на́­ша возвеселя́ющая.

Ра́­дуй­ся, пречу́дное всех с Бо́­гом при­ми­ре́­ние; ра́­дуй­ся, гее́нны ве́ч­ныя из­бав­ле́­ние.

Ра́­дуй­ся, Вла­ды́­чи­це, Неупива́емая Ча́ше, духо́вную жа́жду на́­шу утоля́ющая.

Ви́­дя­щи, Пре­свя­та́я Вла­ды́­чи­це, ско́р­би сер­де́ч­ныя, му́­ки ду­ше́в­ныя, и́скреннее по­кая́­ние лю­де́й, одержи́мых губи́тельным поро́ком пиа́нства, бла­го­во­ли́­ла еси́ яви́­ти богоспаса́емому гра́­ду Се́рпухову ми́­лость Свою́ яв­ле́­ни­ем пречу́днаго о́браза Сво­его́ «Неупива́емая Ча́ша», да вси к не­му́ припа́дающии с ве́­рою и со­кру­ше́н­ным се́рд­цем, по­лу­чи́в­ше ис­це­ле́­ние от тя́жкаго не­ду́­га сво­его́, из глу­би­ны́ души́ во­пи­ю́т Бо́­гу: Алли­лу́иа.

Разуме́в трикра́тное яв­ле́­ние преподо́бнаго Варлаа́ма и повеле́ние его́ в путь ше́ствовати в богоспаса́емый град Се́рпухов, че­ло­ве́к не́кий, стра́стию пиа́нства одержи́мый, обре́те та́­мо в монастыре́ ико́­ну Твою́ свя­ту́ю, «Неупива́емая Ча́ша» имену́емую. Мы же, ви́­дя­ще та­ко­во́е о нас, гре́ш­ных, попече́ние, с благогове́нием во­пи­е́м Ти:

Ра́­дуй­ся, чрез бла­го­чес­ти́­вых лю­де́й сла́­ву чу­де́с Тво­и́х гре́ш­ным от­кры­ва́ю­щая; ра́­дуй­ся, Путеводи́тельнице прозорли́вая, путь спа­се́­ния им показу́ющая.

Ра́­дуй­ся, всеблага́я на́­ша Нас­та́в­ни­це, лю­бо́­вию Твое́ю нас привлека́ющая; ра́­дуй­ся, за вся благодея́ния Твоя́ благодаре́нию нас науча́ющая.

Ра́­дуй­ся, скорбь на́­шу в ра́­дость пре­тво­ря́ю­щая; ра́­дуй­ся, несомне́нною на­де́ж­дою нас уве­се­ля́ю­щая.

Ра́­дуй­ся, губи́тельныя стра́с­ти на́­ша раз­ру­ша́ю­щая; ра́­дуй­ся, бла­ги́м на­ме́­ре­ни­ем спо­со́б­ствую­щая.

Ра́­дуй­ся, Вла­ды́­чи­це, Неупива́емая Ча́ше, духо́вную жа́жду на́­шу утоля́ющая.

Си́­ла Вы́ш­ня­го и бла­го­да́ть Влады́чицы укрепля́ше не́коего че­ло­ве́­ка, стра́ждущаго неду́гом пиа́нства, ег­да́ он, но́зи разсла́бленеи иму́ще, и́де во град Се́рпухов, повеле́ние Бо­го­ма́­те­ре, чрез преподо́бнаго Варлаа́ма рече́нное, ис­пол­ня́я. При­ше́д же во град сей, обре́те ико́­ну Пречи́стыя Бо­го­ма́­те­ре, а́бие исцеле́ от не­ду́­га сво­его́ душе́внаго и теле́снаго и из глу­би­ны́ ду­ши́ бла­го­да́р­ствен­но воззва́ Бо́­гу: Алли­лу́иа.

Иму́ще ис­то́ч­ник неоскудева́емый, неупива́емую ча́шу не­бе́с­ных да­ро­ва́­ний, не то́кмо лю́­дие гра́­да Се́рпухова, но и вси пра­во­сла́в­нии христиа́ны ины́х гра­до́в и ве́­сей, притека́ющии к Тво­ему́ пречу́дному о́б­ра­зу, «Неупива́емая Ча́ша» имену́емому, и пред сим по­лу­чи́в­ше ис­це­ле́­ние, при­па́­даю­ще, бла­го­да́р­ны­ми ус­ты́ во­пи­ю́т Ти:

Ра́­дуй­ся, купе́ле, в ней­же вся ско́р­би на́­ша погружа́ются; ра́­дуй­ся, ча́ше, е́ю­же ра́­дость спа­се́­ния на́­ше­го восприе́млем.

Ра́­дуй­ся, на́­ша не́­мо­щи ду­ше́в­ныя и те­ле́с­ныя врачу́ющая; ра́­дуй­ся, стра́с­ти на́­ша си́­лою мо­ли́тв Тво­и́х укроща́ющая.

Ра́­дуй­ся, коему́ждо, во вся́­кой потре́бе про­ся́­щим, по­ле́з­ная да́­рую­щая; ра́­дуй­ся, бесчи́сленныя щед­ро́­ты всем по­даю́­щая.

Ра́­дуй­ся, ми́­лос­ти со­кро́­ви­ще нам от­кры­ва́ю­щая; ра́­дуй­ся, ми­ло­се́р­дие к па́дшим яв­ля́ю­щая.

Ра́­дуй­ся, Вла­ды́­чи­це, Неупива́емая Ча́ше, духо́вную жа́жду на́­шу утоля́ющая.

Бу́­рю внутрь иму́ще по­мыш­ле́­ний су­мни́­тель­ных, но с и́скренним покая́нием притека́юще к Тво­ему́ неизрече́нному милосе́рдию, одержи́мии пиа́нственною стра́стию получа́ют ис­це­ле́­ние и из глу­би­ны́ се́рд­ца во­пи­ю́т рожде́нному от Те­бе́ Спа­си́­те­лю на́­ше­му: Алли­лу́иа.

Слы́­ша Гос­по́дь тя́жкия ско́р­би, во́пли и плач жен, ста́риц, дете́й, сро́дницы ко́их обурева́еми суть пиа́нственною стра́стию, да­ро­ва́ им Твою́, Вла­ды́­чи­це, ико́­ну, от нея́же вси притека́ющии обрета́ют уте­ше́­ние и ра́­дость духо́вную и во­пи­ю́т Ти со сле­за́­ми:

Ра́­дуй­ся, А́гнице, ро́жд­шая А́гнца, взе́млющаго гре­хи́ ми́­ра; ра́­дуй­ся, ча́ше, че́рплющая нам ра́­дость от ис­то́ч­ни­ка без­сме́р­тия.

Ра́­дуй­ся, ско́рб­ных матере́й уте­ше́­ние; ра́­дуй­ся, безнаде́жных На­де́ж­до.

Ра́­дуй­ся, при­те­ка́ю­щих к Те­бе́ благода́тное охране́ние; ра́­дуй­ся, скор­бя́­щих от­ра́­до и уве­се­ле́­ние.

Ра́­дуй­ся, волне́ние стра́с­ти пиа́нства утиша́ющая; ра́­дуй­ся, ру­ку́ по́­мо­щи Твоея́ тре́­бую­щим простира́ющая.

Ра́­дуй­ся, Вла­ды́­чи­це, Неупива́емая Ча́ше, духо́вную жа́жду на́­шу утоля́ющая.

Я́ко боготе́чную звезду́, чест­ну́ю ико́­ну Твою́ показа́ла еси́ нам, Вла­ды́­чи­це ми́­ра, ю́же зря́ще и с ве́­рою серде́чною мо­ля́­ще­ся Те­бе́, Бо­го­ро́­ди­це, гла­го́­лем: ис­це­ли́ пиа́нством и ино́ю боле́знию душе́вною и теле́сною стра́ждущих, ве́р­ных же нау­чи́ вос­пе­ва́­ти хва­лу́ Бо́­гу: Алли­лу́иа.

Ви́­дя­ще чу­де­са́ пре­сла́в­ная и зна́­ме­ния пречу́дная, быва́емая не то́кмо от ико́­ны Твоея́, Бо­го­ма́­ти, во гра́­де Се́рпухове явле́нныя, но и от по подо́бию сея́ ико́­ны спи́санных изображе́ний, при­па́­даю­ще к ним, смире́нно во­пи­е́м Ти:

Ра́­дуй­ся, скоропредста́тельная По­мо́щ­ни­це усе́рд­но к Те­бе́ при­те­ка́ю­щих; ра́­дуй­ся, благосе́рдная Услы́шательнице моле́ний на́­ших.

Ра́­дуй­ся, град Се́рпухов благослове́нием Тво­и́м осени́вшая; ра́­дуй­ся, в преде́лех Моско́вских сла́­ву чу­де́с Тво­и́х показа́вшая.

Ра́­дуй­ся, всем тре́­бую­щим со­кро́­ви­ще ис­це­ле́­ний не­ос­ку́д­ное; ра́­дуй­ся, в трезве́нии благоподвиза́ющихся всемо́щная Покрови́тельнице.

Ра́­дуй­ся, веду́щим брань про­ти́­ву ми́­ра, пло́­ти, диа́вола и пиа́нства до́б­рая Споспе́шнице; ра́­дуй­ся, в ми́­ре бла­го­че́ст­но живу́щих усе́рд­ная За­сту́п­ни­це.

Ра́­дуй­ся, Вла­ды́­чи­це, Неупива́емая Ча́ше, духо́вную жа́жду на́­шу утоля́ющая.

Пропове́дающе чу­де­са́ Твоя́, Бо­го­ро­ди́­тель­ни­це, от ико́­ны Твоея́ «Неупива́емая Ча́ша» имену́емыя, быва́емая, мо́­лим Тя, Пре­чи́с­тая, со сле­за́­ми: из­ба́­ви всех нас от ви́ннаго пристра́стия и от паде́ния грехо́внаго, нау­чи́ нас воздержа́нию, подвиза́ющи вос­пе­ва́­ти Бо́­гу: Алли­лу́иа.

Возсия́ла еси́ в све́тлости Бо­же́ст­вен­ныя сла́­вы, Де́­во Богоотрокови́це, на Мла­де́н­ца, Преве́чнаго Бо́­га, Го́с­по­да на́­ше­го Иису́­са Хри­ста́, зря́щи. И́же в со­су́­де, а́ки в неупива́емой ча́ше, предстои́т, я́ко­же Тя ви́­дим изображе́нную на ико­не Тво­е́й, «Неупива́емая Ча́ша» та́ин­ствен­но пронарече́нней, от нея́же из­бав­ле́­ние от пиа́нственныя стра́с­ти при­те­ка́ю­щим с ве́­рою да́руеши, се­го́ ра́­ди со сле­за́­ми при­но́­сим Те­бе́ гла́сы немо́лчныя си́­це:

Ра́­дуй­ся, я́ко о Те­бе́ ра́дуется и торжеству́ет а́н­гель­ский собо́р и челове́ческий род; ра́­дуй­ся, я́ко Твоя́ сла́­ва превосхо́дит похвалы́ зем­ны́я и не­бе́с­ныя.

Ра́­дуй­ся, та́инственным изображе́нием Сы́­на в со­су́­де Та́й­ну Бо­же́ст­вен­ныя Евхари́стии нам от­кры­ва́ю­щая; ра́­дуй­ся, рож­де́н­на­го То­бо́ю А́гнца, всег­да́ ядо́маго и никогда́же иждива́емаго, нам ди́в­но указу́ющая.

Ра́­дуй­ся, ча́ше жи́з­ни и без­сме́р­тия, ко врата́м ве́ч­ныя жи́з­ни нас приводя́щая; ра́­дуй­ся, ис­то́ч­ни­ком не­тле́­ния и ра́­дос­ти жа́ждущия ду́­ши напоя́ющая.

Ра́­дуй­ся, несче́тною бла́гостию не оставля́ющая са́мых презре́нных и отве́рженных; ра́­дуй­ся, от ро́ва по­ги́­бе­ли милосе́рдием Тво­и́м исхища́ющая безнаде́жных.

Ра́­дуй­ся, Вла­ды́­чи­це, Неупива́емая Ча́ше, духо́вную жа́жду на́­шу утоля́ющая.

Хо­тя́ че­ло­ве́к не́кий возблагодари́ти Тя, Вла­ды́­чи­це, за ис­це­ле́­ние от не­ду́­га пиа́нства, укра­си́ Твою́ пречу́дную ико́­ну, Бо­го­ма́­ти, во гра́­де Се́рпухове пребыва́ющую, из глу­би­ны́ се́рд­ца воспева́я Бо́­гу: Алли­лу́иа.

Но́вое чу́­до ви́­дим, Вла­ды́­чи­це, от ико́­ны Твоея́ свя­ты́я: стра́ждущий бо неду́гом пиа́нства не́кий раб Бо́­жий Стефа́н, прибега́я к Тво­ему́ Ма́тернему предста́тельству, от тя́жкаго не­ду́­га сво­его́ изба́вися, и, бла­го­да­ря́­ще Тя, благоле́пными да́ры ико́­ну Твою́ укра­си́, и припа́дающи к ней, со сле­за́­ми возо­пи́ Те­бе́ та́­ко:

Ра́­дуй­ся, Жи­во­но́с­ный Ис­то́ч­ни­че ис­це­ле́­ний; ра́­дуй­ся, ча́ше не­бе́с­ная Бо­же́ст­вен­ных да­ро­ва́­ний.

Ра́­дуй­ся, ре­ко́ ис­це­ле́­ний приснотеку́щая; ра́­дуй­ся, мо́ре, вся на́­ша стра́с­ти потопля́ющее.

Ра́­дуй­ся, под тя́жестию греха́ пиа́нства па́дающих Ма́тернима рука́ма Твои́ма возставля́ющая; ра́­дуй­ся, благода́рственныя да́ры не отверга́ющая.

Ра́­дуй­ся, серд­ца́ бла­го­чес­ти́­вых лю­де́й возвеселя́ющая; ра́­дуй­ся, вся бла­га́я про­ше́­ния на́­ша исполня́ющая.

Ра́­дуй­ся, Вла­ды́­чи­це, Неупива́емая Ча́ше, духо́вную жа́жду на́­шу утоля́ющая.

Стра́н­но и су­мни́­тель­но не­ве́­рую­щим слы́шати, ка́­ко ико́­на Твоя́ свя­та́я «Неупива́емая Ча́ша» Бо­же́ст­вен­ных ис­це­ле́­ний ис­то­ча́­ет чу́­до. Мы же, ве́рую­ще сло́­ву Тво­ему́, Вла­ды́­чи­це, ре­че́н­ному к первопи́санней Тво­е́й ико­не: «Бла­го­да́ть Ро́жд­ша­го­ся от Ме­не́ и Моя́ с се́ю ико́­ною да бу́дет», — ве́­ру­ем, я́ко и сия́ ико́­на Твоя́ бла­го­да́ть Твою́ ис­то­ча́­ет. Те́м­же, бла­го­го­ве́й­но поклоня́ющеся, ло­бы­за́­ем ю, во­пию́­ще Бо́­гу: Алли­лу́иа.

Все упо­ва́­ние лю́­дие, стра́ждущии неду́гом пиа́нства, на Тя, Вла­ды́­чи­це, возлага́ют. Приклони́ся к не́мощем и стра­сте́м на́­шим. Кто бо нас, гре́ш­ных, из­ве­де́т от ро́ва по­ги́­бе­ли и ни­ще­ты́ ду­хо́в­ныя и те­ле́с­ныя, а́ще не Ты, Вла­ды́­чи­це! Се­го́ ра́­ди, прикло́нше коле́на пред Тво­и́м пре­чи́с­тым о́б­ра­зом, во­пи­е́м Ти та́­ко:

Ра́­дуй­ся, мо­ле́­ния гре́ш­ни­ков не отверга́ющая; ра́­дуй­ся, при­зы­ва́­ющим Тя Свою́ не­бе́с­ную по́­мощь ниспосыла́ющая.

Ра́­дуй­ся, глу­би­ну́ ми­ло­се́р­дия Тво­его́ гре́ш­ным показу́ющая; ра́­дуй­ся, от­ча́­ян­ных и безнаде́жных ободря́ющая.

Ра́­дуй­ся, одержи́мым стра́стию пиа́нства ру­ку́ по́­мо­щи простира́ющая; ра́­дуй­ся, терпели́вых страда́льцев благода́тными да́ры утеша́ющая.

Ра́­дуй­ся, не­ду́­ги на́­ша ду­ше́в­ныя и те­ле́с­ныя врачу́ющая; ра́­дуй­ся, су́етныя ра́­дос­ти ми́­ра се­го́ презира́ти нас науча́ющая.

Ра́­дуй­ся, Вла­ды́­чи­це, Неупива́емая Ча́ше, духо́вную жа́жду на́­шу утоля́ющая.

Вся́­кое ес­тес­тво́ а́н­гель­ское уди­ви́­ся де́лу Тво­его́ ми­ло­се́р­дия, Го́с­по­ди, я́ко дарова́л еси́ гре́шнему ро́ду челове́ческому твер­дую За­сту́п­ни­цу и По­мо́щ­ни­цу, к на́­шим не́мощем приклоня́ющуюся и от го́рькаго не­ду́­га пиа́нства свобожда́ющую, ве́р­ныя же науча́ющую пе́­ти Бо́­гу: Алли­лу́иа.

Ви­ти́я челове́честии не­до­уме́­ют вос­хва­ли́­ти по до­стоя́­нию сла́вное, Вла­ды́­чи­це, ико́­ны Твоея́ яв­ле́­ние, ни­же́ мы, гре́ш­нии, от скве́рных усте́н на́­ших возмо́жем при­нес­ти́ досто́йное похвале́ние За­сту́п­ни­це на́­шей. Оба́­че неисче́тная чу­де­са́, ико́­ною Твое́ю явля́емая, ви́­дев­ше, ду­ше́ю и се́рд­цем ра́дующеся, Те­бе́ гла­го́­лем:

Ра́­дуй­ся, от свяще́ннаго ли́­ка Тво­его́ чу­де­са́ ис­то­ча́ю­щая; ра́­дуй­ся, от бед и скор­бе́й ско́ро из­бав­ля́ю­щая.

Ра́­дуй­ся, отверга́ющих Тя по­срам­ля́ю­щая; ра́­дуй­ся, от вся́­ка­го зла при­бе­га́ю­щих к Те­бе́ сохраня́ющая.

Ра́­дуй­ся, кро́тким сия́­ни­ем Тво­и́м мрак гре­хо́в и мглу страс­те́й на́­ших разгоня́ющая; ра́­дуй­ся, ду́­ши на́­ша лю­бо́­вию к Те­бе́ и Сы́­ну Тво­ему́ исполня́ющая.

Ра́­дуй­ся, на стезю́ по­кая́­ния нас прему́дре нас­тав­ля́ю­щая; ра́­дуй­ся, до́браго отве́та пред Судие́ю Пра́ведным нам усе́рд­ная Хо­да́­таи­це.

Ра́­дуй­ся, Вла­ды́­чи­це, Неупива́емая Ча́ше, духо́вную жа́жду на́­шу утоля́ющая.

Спас­ти́ хо­тя́­щи лю́­ди мно́­гия, стра́ждущия неду́гом пиа́нства, чу́д­ную ико́­ну Твою́, Бо­го­ма́­ти, да­ро­ва́­ла еси́, да вси одержи́ми се́ю стра́стию к чудотво́рному о́б­ра­зу Тво­ему́ притека́ют, и, по­лу­чи́в­ше ис­це­ле́­ние, во уми­ле́­нии взыва́ют Бо́­гу: Алли­лу́иа.

Сте­на́ еси́ и щит, Бо­го­ма́­ти, лю́­дем, стра́­жду­щим неду́гом пиа́нства, и всем, усе́рд­но к Те­бе́ при­те­ка́ю­щим и ико́­ну Твою́ свя­ту́ю бла­го­го­ве́й­но чту́­щим, и́бо сию́ да­ро­ва́ нам бла­ги́х пода́тель Гос­по́дь в по́­мощь и врачева́ние от губи́тельныя стра́с­ти, ея́ же ра́­ди внуша́ет нам пе́­ти Те­бе́:

Ра́­дуй­ся, от­ча́­ян­ных На­де́ж­до и пе­ча́­лей на́­ших утоле́ние; ра́­дуй­ся, бо­ле́з­ней ду­ше́в­ных и те­ле́с­ных ис­це­ле́­ние.

Ра́­дуй­ся, на́­шу скве́рну чис­то­то́ю Твое́ю очища́ющая; ра́­дуй­ся, Свое́ю бла­го­да́­тию на́­ше недосто́инство про­све­ща́ю­щая.

Ра́­дуй­ся, бре́ние на́­ше тле́нное в нетле́ние облека́ющая; ра́­дуй­ся, мо­ле́­ния на́­ша Тво­и́м пред­ста́­тель­ством подкрепля́ющая.

Ра́­дуй­ся, в неможе́нии на́­шем нас утвержда́ющая; ра́­дуй­ся, облега́ющий нас о́блак страс­те́й ско́ро разгоня́ющая.

Ра́­дуй­ся, Вла­ды́­чи­це, Неупива́емая Ча́ше, духо́вную жа́жду на́­шу утоля́ющая.

Пе́­ние на́­ше смире́нное, от полноты́ любви́ и усе́рдия Те­бе́ при­но­си́­мое, не пре́­зри, Чи́с­тая, и не от­вра­ти́ от отча́явшихся и стра́ждущих неду́гом пиа́нства ли́­ка Сво­его́, но помози́ им же и нам очи́ститися от вся́­кия скве́р­ны гре­хо́в­ныя, да возмо́жем досто́йно и пра́ведно пе́­ти Бо́­гу: Алли­лу́иа.

Све­то­при­е́м­ную све­щу́ зрим Тя, Пре­свя­та́я Де́­во, и́бо о́б­раз Твой свя­ты́й лу­ча́­ми бла­го­да́­ти Твоея́ мглу грехо́вную прогоня́ет и на све́тлую стезю́ доб­ро­де́­те­лей наставля́ет с ве́­рою зо­ву́­щих Ти та­ко­ва́я:

Ра́­дуй­ся, заступле́нием Тво­и́м от суеты́ ми́­ра се­го́ многомяте́жнаго нас из­бав­ля́ю­щая; ра́­дуй­ся, прираже́ния страс­те́й плот­ски́х отража́ти нам помога́ющая.

Ра́­дуй­ся, мысль благу́ю в се́рд­це на́­ше полага́ющая; ра́­дуй­ся, нечи́стую со́­весть на́­шу про­све­ща́ю­щая.

Ра́­дуй­ся, от мучи́тельнаго не­ду́­га пиа́нства стра́ждущих из­бав­ля́ю­щая; ра́­дуй­ся, к и́скреннему по­кая­нию и вра­зум­ле́­нию призыва́ющая.

Ра́­дуй­ся, ду́­ши всех озло́бленных умягча́ющая; ра́­дуй­ся, на по́­мощь Тя при­зы­ва́ю­щих и и́мя Твое́ сла́вящих спа­са́ю­щая.

Ра́­дуй­ся, Вла­ды́­чи­це, Неупива́емая Ча́ше, духо́вную жа́жду на́­шу утоля́ющая.

Бла­го­да́ть Бо́­жия, прису́щая ико­не Тво­е́й, «Неупива́емая Ча́ша» име­нуе­мой, влече́т к ней, Вла­ды́­чи­це, всех скор­бя́­щих, обездо́ленных, вдов и ста́риц, наипа́че же всех стра́ждущих неду́гом пиа́нства и не тще́тни отхо́дят, Пре­чи́с­тая, от неупива́емыя ча́ши Тво­и́х Бо­же́ст­вен­ных да­ро­ва́­ний, но, не­ос­ку́д­но получа́юще цельбы́ от чудотво́рнаго о́браза Тво­его́, Всебла́гая, бла­го­да́р­ствен­но пою́т Бо́­гу: Алли­лу́иа.

Пою́­ще Твоя́ чу­де­са́ и ве́­лию ми́­лость, лю́­дем, одержи́мым стра́стию пиа́нства, явле́нныя, мо́­лим Тя, Вла­ды́­чи­це, спа­си́ и по­ми́­луй, и наста́ви нас на стезю́ пра́ву, и не оста́­ви нас, покро́ва Тво­его́ и́щу­щих и зо­ву́­щих Ти:

Ра́­дуй­ся, воздержа́нию от греха́ пиа́нства всех подвиза́ющая; ра́­дуй­ся, от пристра́стия к вину́ росо́ю ми́­лос­ти Твоея́ свобожда́ющая.

Ра́­дуй­ся, стра́ждущих от тя́жкаго греха́ пиа́нства при́сное врачева́ние; ра́­дуй­ся, бе́д­ствую­щим в страсте́х ско́­рая По­мо́щ­ни­це.

Ра́­дуй­ся, малоду́шных ди́в­ное ободре́ние; ра́­дуй­ся, благоду́шных ве́лия ра́­дос­те.

Ра́­дуй­ся, го́рдых смиря́ющая; ра́­дуй­ся, смире́нныя возвыша́ющая и всем спа­се́­ния жела́ющая.

Ра́­дуй­ся, Вла­ды́­чи­це, Неупива́емая Ча́ше, духо́вную жа́жду на́­шу утоля́ющая.

О Преми́лостивая Ма́­ти Сладча́йшаго Го́с­по­да на́­ше­го Иису́­са Хри­ста́! Ны́нешнее на́­ше услы́­ши мо­ле́­ние и из­ба́­ви нас от всех не­ду́­гов ду­ше́в­ных и те­ле́с­ных, наипа́че же сво­бо­ди́ стра́ждущих неду́гом пиа́нства ра­бо́в Тво­и́х (име­на́ их), да не во зле поги́бнут, но да спасе́ннии То­бо́ю, при́с­но во­пи­ю́т Бо́­гу: Алли­лу́иа.

Этот кондак чи­та­ет­ся трижды, за­те́м 1-й икос «А́нгельстии чи́ни…» и 1-й кондак «Избра́нное и ди́в­ное из­бав­ле́­ние…».

Мо­ли́т­ва

О, Преми́лостивая Вла­ды́­чи­це! К Тво­ему́ зас­туп­ле­нию ны́­не при­бе­га́­ем, моле́ний на́­ших не пре́­зри, но ми́лостивно услы́­ши нас, жен, дете́й и матере́й, и ис­це­ли́ тя́жким неду́гом пия́нства одержи́мых и того́ ра́­ди от ма­те­ри своея́, Це́рк­ве Хри­сто́­вы, и спа­се́­ния отпада́ющих бра́тий и сесте́р и сро́дник на́­ших. О Ми́лостивая Ма́­ти Бо́­жия, косни́ся сер­де́ц их и ско́ро возста́ви от па­де́­ний гре­хо́в­ных, ко спаси́тельному воздержа́нию приведи́ их. Умо­ли́ Сы́­на Сво­его́, Хри­ста́ Бо́­га на́­ше­го, да прости́т нам согреше́ния на́­ша и не отврати́т ми́­лос­ти Своея́ от лю­де́й Сво­и́х, но да укрепи́т нас в трезве́нии и целому́дрии. При­ими́, Пре­свя­та́я Бо­го­ро́­ди­це, мо­ли́т­вы матере́й, о ча́дех сво­и́х сле́зы пролива́ющих, жен, о муже́х сво­и́х рыда́ющих, чад, си́­рых и убо́­гих, заблу́дшими оста́вленных, и всех нас, к ико­не Тво­е́й при­па́­даю­щих. И да прии́дет сей вопль наш, мо­ли́т­ва­ми Тво­и́ми, ко Пре­сто́­лу Все­вы́ш­ня­го. По­кры́й и соблюди́ нас от лу­ка́­ва­го ловле́ния и всех ко́з­ней вра́жиих, в стра́шный же час исхо́да на́­ше­го помози́ проити́ непреткнове́нно возду́шная мыта́рства мо­ли́т­ва­ми Тво­и́ми, из­ба́­ви нас ве́ч­на­го осужде́ния, да покро́ет нас ми́­лость Бо́­жия в несконча́емыя ве́­ки. Ами́нь.

>Акафист Пресвятой Богородице пред иконой «Неупиваемая Чаша»

Акафист Пресвятой Богородице пред иконой «Неупиваемая Чаша»

Изря́дное и ди́вное вспоможе́ние нам дарова́ся, о́браз Твой честны́й, Богоро́дице Де́во, я́ко изба́вльшеся явле́нием его́ неду́гов душе́вных и теле́сных и ско́рбных обстоя́ний, благода́рныя хвалы́ прино́сим Ти, всеми́лостивая Засту́пнице. Ты же, Госпоже́, приклони́ся благоутро́бно к на́шим воздыха́нием и во́плем серде́чным, и исцеле́ние пода́ждь стра́ждущим, да с ве́рою воззове́м Ти:

Ра́дуйся, Влады́чице, Неупива́емая Ча́ше, духо́вную жа́жду на́шу утоля́ющая.

А́нгельстии чи́ни и пра́ведников со́нми непреста́нно сла́вят Тя, Цари́цу Богоро́дицу, хода́таицу о ро́де челове́честем, в беззако́ниих погруже́ннем и во гресе́х пребыва́ющем, да́руеши бо нам во утеше́ние и спасе́ние ми́лость Свою́ чрез чудотво́рныя ико́ны Твоя́, и́хже, я́ко зве́зды небе́сныя, по всей земли́ на́шей зрим. Ко еди́ному же от сих образо́в, Неупива́емая Ча́ша имену́емому, припа́дающе, из глубины́ се́рдца взыва́ем Ти:

Ра́дуйся, непристу́пнаго Божества́ селе́ние;

ра́дуйся, непреста́нное челове́ков удивле́ние.

Ра́дуйся, скорбьми́ грехи́ на́ша очища́ющая;

ра́дуйся, печа́льми на́ша не́мощи врачу́ющая.

Ра́дуйся, ми́лость Свою́ нам свы́ше посыла́ющая;

ра́дуйся, ско́рбная сердца́ на́ша веселя́щая.

Ра́дуйся, пречу́дное всех с Бо́гом примире́ние;

ра́дуйся, му́ки ве́чныя изве́стное избавле́ние.

Ра́дуйся, Влады́чице, Неупива́емая Ча́ше, духо́вную жа́жду на́шу утоля́ющая.

Ви́дящи, Пречи́стая Влады́чице, ско́рби серде́чныя, му́ки душе́вныя, покая́ние и́скреннее челове́ков, губи́тельным поро́ком пия́нства одержи́мых, благоволи́ла еси́ дарова́ти богоспаса́емому гра́ду Се́рпухову ми́лость Твою́ явле́нием пречу́днаго о́браза Твоего́, да вси, с ве́рою и сокруше́нным се́рдцем к нему́ припа́дающии и исцеле́ние от тя́жкаго неду́га своего́ обрета́ющии, усе́рдно вопию́т Бо́гу: Аллилу́ия.

Разуме́в трикра́тное явле́ние преподо́бнаго Варлаа́ма и повеле́ние от него́ во гра́д Се́рпухов ше́ствовати, челове́к не́кий, стра́стию пия́нства одержи́мый, обре́те та́мо в монастыре́ ико́ну Твою́ святу́ю, Неупива́емая Ча́ша имену́емую. Мы же, ви́дяще таково́е о нас, гре́шных, попече́ние, со благогове́нием воспева́ем Ти такова́я:

Ра́дуйся, сла́ву чуде́с Твои́х гре́шным открыва́ющая;

ра́дуйся, Путеводи́тельнице, пу́ть благи́й им явля́ющая.

Ра́дуйся, ко спасе́нию нас привлека́ющая;

ра́дуйся, благодаре́нию нас науча́ющая.

Ра́дуйся, ско́рби на́шея в ра́дость претворе́ние;

ра́дуйся, несумне́нною наде́ждою возвеселе́ние.

Ра́дуйся, губи́тельныя стра́сти потребля́ющая;

ра́дуйся, благи́м наме́рением посо́бствующая.

Ра́дуйся, Влады́чице, Неупива́емая Ча́ше, духо́вную жа́жду на́шу утоля́ющая.

Си́ла Вы́шняго благода́тию Влады́чицы укрепи́ не́коего челове́ка, неду́гом пия́нства стра́ждущаго, егда́ той, разсла́блене имы́й но́зе, потща́ся гра́да Се́рпухова дости́гнути, повеле́ние Богоро́дицы, чрез преподо́бнаго Варлаа́ма рече́нное, исполня́я. Обре́т же во гра́де сем ико́ну Пречи́стыя Богома́тере, а́бие исцеле́ от неду́га своего́, душе́внаго и теле́снаго, и с тре́петом воззва́ Бо́гу: Аллилу́ия.

Иму́ще исто́чник неоскудева́емый, неупива́емую ча́шу небе́сных дарова́ний, не то́кмо лю́дие гра́да Се́рпухова, но и вси правосла́внии христиа́не от ины́х градо́в и ве́сей, к Твоему́ пречу́дному о́бразу притека́юще и пред сим исцеле́ния обрета́юще, благода́рными усты́ вопию́т Ти си́це:

Ра́дуйся, Е́юже ско́рби на́ша потребля́ются;

ра́дуйся, Е́юже ра́дость спасе́ния излива́ется.

Ра́дуйся, не́мощи душе́вныя и теле́сныя врачу́ющая;

ра́дуйся, стра́сти моли́твами Твои́ми укроща́ющая.

Ра́дуйся, коему́ждо прося́щему поле́зная да́рующая;

ра́дуйся, безчи́сленныя щедро́ты всем подаю́щая.

Ра́дуйся, ми́лости сокро́вище нам отверза́ющая;

ра́дуйся, милосе́рдие к па́дшим явля́ющая.

Ра́дуйся, Влады́чице, Неупива́емая Ча́ше, духо́вную жа́жду на́шу утоля́ющая.

Бу́рю вну́трь иму́ще помышле́ний сумни́тельных, оба́че с покая́нием и́скренним к Твоему́ неизрече́нному милосе́рдию притека́юще, пия́нственною стра́стию одержи́мии исцеле́ние получа́ют, и от всея́ души́ зову́т рожде́нному от Тебе́ Спаси́телю на́шему: Аллилу́ия.

Слы́ша Госпо́дь тя́жкия ско́рби, во́пли и плач жен, ста́риц, дете́й, и́хже сро́дницы обурева́еми суть пия́нственною стра́стию или́ безу́мием наркоти́ческим одержи́ми, дарова́ им, Пренепоро́чная, Твою́ ико́ну, от нея́же вси прося́щии утеше́ние и ра́дость духо́вную обрета́ют, и вопию́т Ти со слеза́ми такова́я:

Ра́дуйся, А́гнице, А́гнца ро́ждшая, грехи́ ми́ра взе́млющаго;

ра́дуйся, Ча́ше, от исто́чника безсме́ртия че́рплющая.

Ра́дуйся, ма́терей ско́рбных укрепле́ние;

ра́дуйся, ненаде́жных благо́е наде́яние.

Ра́дуйся, притека́ющих к Тебе́ благода́тное охране́ние;

ра́дуйся, скорбя́щих отра́до и утеше́ние.

Ра́дуйся, волне́ние страсте́й в нас усмиря́ющая;

ра́дуйся, ру́ку по́мощи тре́бующим простира́ющая.

Ра́дуйся, Влады́чице, Неупива́емая Ча́ше, духо́вную жа́жду на́шу утоля́ющая.

Боготе́чную звезду́, честну́ю ико́ну Твою́, показа́ла еси́ нам, Влады́чице ми́ра, ю́же зря́ще и с ве́рою серде́чною моля́щеся Тебе́, Богоро́дице, глаго́лем: пия́нством и ины́ми неду́ги душе́вными или́ теле́сными стра́ждущия исцели́, ве́рныя же научи́ воспева́ти хвалу́ Бо́гу: Аллилу́ия.

Ви́дяще чудеса́ пресла́вная и зна́мения пречу́дная, не то́кмо от ико́ны Твоея́, Богома́ти, во гра́де Се́рпухове явле́нныя, быва́емая, но и от я́же по подо́бию сея́ ико́ны изображе́ний, припа́дающе к ним, смире́нно глаго́лем Ти:

Ра́дуйся, притека́ющих к Тебе́ ско́рая Предста́тельнице;

ра́дуйся, моле́ний на́ших благосе́рдная Услы́шательнице.

Ра́дуйся, гра́д Се́рпухов благослове́нием Твои́м осени́вшая;

ра́дуйся, в преде́лех моско́вских сла́ву чуде́с Твои́х яви́вшая.

Ра́дуйся, сокро́вище исцеле́ний неоскудева́емое;

ра́дуйся, возде́ржником всемо́щная Покрови́тельнице.

Ра́дуйся, проти́ву ми́ра и диа́вола подвиза́ющимся Споспе́шнице;

ра́дуйся, в ми́ре благоче́стно живу́щих усе́рдная Засту́пнице.

Ра́дуйся, Влады́чице, Неупива́емая Ча́ше, духо́вную жа́жду на́шу утоля́ющая.

Пропове́дующе чудеса́ Твоя́, Богороди́тельнице, мо́лим Тя, Пречи́стая, со слеза́ми: изба́ви все́х нас от па́губнаго к винопи́тию пристра́стия и от паде́ний грехо́вных, подвиза́ющи воспева́ти Бо́гови: Аллилу́ия.

Возсия́ све́тлость Боже́ственныя сла́вы от ико́ны Твоея́, Де́во Богоотрокови́це, иде́же Госпо́дь на́ш Иису́с Христо́с я́ко младе́нец зри́тся, о́браз Та́ин Свои́х Пречи́стых нам явля́яй, и от страсте́й ме́рзких с ве́рою притека́ющим избавле́ние да́рует. Мы же Тебе́, Пречи́стей Его́ Ма́тери, вы́ну о нас Сы́на Своего́ умоля́ющей, гла́сы немо́лчныя прино́сим сицевы́я:

Ра́дуйся, я́ко о Тебе́ ра́дуется а́нгельский собо́р;

ра́дуйся, я́ко о Тебе́ торжеству́ет челове́ческий род:

Ра́дуйся, похвалы́ небе́сныя и земны́я сла́вою превосходя́щая;

ра́дуйся, рожде́ннаго Тобо́ю А́гнца нам ди́вно показу́ющая.

Ра́дуйся, ко врато́м жи́зни ве́чныя приводя́щая;

ра́дуйся, от исто́чника нетле́ния жа́ждущия напая́ющая.

Ра́дуйся, от паде́ний грехо́вных возставля́ющая;

ра́дуйся, неиссяка́емою бла́гостию никого́же оставля́ющая.

Ра́дуйся, Влады́чице, Неупива́емая Ча́ше, духо́вную жа́жду на́шу утоля́ющая.

Хотя́ челове́к не́кий возблагодари́ти Тя, Влады́чице, исцеле́ния ра́ди от неду́га пия́нственнаго, украси́ Твою́, Богома́ти, пречу́дную ико́ну, во гра́де Се́рпухове пребыва́ющую, со благодаре́нием воспева́я Бо́гу: Аллилу́ия.

Ди́вная чудеса́ ви́дим, Пречи́стая, от ико́ны Твоея́ святы́я: стра́стию пия́нства стра́ждущии, к Твоему́ ма́тернему предста́тельству прибега́юще, от тя́жкаго неду́га своего́ избавля́ются, и хвалу́ Тебе́ принося́ще, зову́т такова́я:

Ра́дуйся, живоно́сный исто́чниче исцеле́ний;

ра́дуйся, купе́ле небе́сная боже́ственных дарова́ний.

Ра́дуйся, реко́ исцеле́ний приснотеку́щая;

ра́дуйся, мо́ре, стра́сти на́ша потопля́ющее.

Ра́дуйся, во грехи́ впа́дшим наде́жду подаю́щая;

ра́дуйся, ма́тернима рука́ма Твои́ма тех возставля́ющая.

Ра́дуйся, сердца́ благочести́вых возвеселя́ющая;

ра́дуйся, вся блага́я проше́ния на́ша исполня́ющая.

Ра́дуйся, Влады́чице, Неупива́емая Ча́ше, духо́вную жа́жду на́шу утоля́ющая.

Стра́нно и сумни́тельно неве́рующим слы́шати, ка́ко ико́на Твоя́ свята́я боже́ственных исцеле́ний источа́ет струи́. Мы же, о́ной благогове́йно поклоня́ющеся, лобыза́ем ю, вопию́ще Бо́гу: Аллилу́ия.

Все упова́ние стра́ждущии неду́гом пия́нства на Тя, Де́во Чи́стая, возлага́ют: приклони́ся к не́мощем на́шим, уврачу́й стра́сти, кто бо нас гре́шных изведе́т из ро́ва поги́бели, а́ще не Ты, Влады́чице? Сего́ ра́ди, коле́на пред Твои́м честны́м о́бразом прекло́ньше, воспева́ем Ти та́ко:

Ра́дуйся, моле́ния гре́шников не отверга́ющая;

ра́дуйся, призыва́ющим Тя небе́сную по́мощь ниспосыла́ющая.

Ра́дуйся, глубину́ милосе́рдия Твоего́ гре́шным показу́ющая;

ра́дуйся, отча́янных и безнаде́жных ободря́ющая.

Ра́дуйся, одержи́мым стра́стию пия́нства поможе́ние;

ра́дуйся, терпели́вых страда́льцев благода́тное утеше́ние.

Ра́дуйся, неду́гов на́ших блага́я Цели́тельнице.

ра́дуйся, от суеты́ мирски́я на́ша Охрани́тельнице.

Ра́дуйся, Влады́чице, Неупива́емая Ча́ше, духо́вную жа́жду на́шу утоля́ющая.

Вся́кое естество́ а́нгельское удиви́ся де́лу Твоего́ милосе́рдия, Го́споди, я́ко дарова́л еси́ гре́шному ро́ду челове́ческому тве́рдую Засту́пницу и Помо́щницу, к на́шим не́мощем приклоня́ющуюся и от го́рькаго неду́га пия́нства свобожда́ющую, ве́рныя же науча́ющую пе́ти Тебе́: Аллилу́ия.

Вети́и многовеща́ннии недоуме́ют восхвали́ти по достоя́нию ди́вное, Богома́ти, ико́ны Твоея́ явле́ние, ниже́ мы, гре́шнии, от скве́рных усте́н на́ших возмо́жем просла́вити засту́пницу на́шу, я́коже подоба́ет. Оба́че, душе́ю и се́рдцем ра́дующеся, Тебе́ глаго́лем:

Ра́дуйся, я́ко лик Твой свяще́нный явля́ет чудеса́;

ра́дуйся, я́ко ско́рое еси́ посрамле́ние отверга́ющих Тя.

Ра́дуйся, от бед и скорбе́й при́сное огражде́ние;

ра́дуйся, прибега́ющих к Тебе́ от зла сохране́ние.

Ра́дуйся, кро́тким сия́нием Твои́м мглу страсте́й разгоня́ющая;

ра́дуйся, ду́ши на́ша любо́вию к Тебе́ и Сы́ну Твоему́ исполня́ющая.

Ра́дуйся, ко стезя́м покая́ния прему́драя Наста́внице;

ра́дуйся, до́браго нам отве́та пред Судие́ю Пра́ведным Хода́таице.

Ра́дуйся, Влады́чице, Неупива́емая Ча́ше, духо́вную жа́жду на́шу утоля́ющая.

Спасти́ хотя́щи мно́гия, чу́дную ико́ну Твою́, Присноде́во, пия́нством неду́гующим дарова́ла еси́, да вси одержи́мии се́ю стра́стию к чудотво́рному о́бразу Твоему́ притека́ют и, исцеле́ние получи́вше, во умиле́нии взыва́ют Бо́гу: Аллилу́ия.

Стена́ еси́ и щит, Богома́ти, пия́нства неду́гом стра́ждущим, и всем усе́рдно к Тебе́ притека́ющим и ико́ну Твою́ святу́ю благогове́йно чту́щим, сию́ бо нам дарова́ благи́х Пода́тель Госпо́дь в по́мощь и цельбу́ от губи́тельныя стра́сти, и тем наказу́ет нам пе́ти Тебе́ такова́я:

Ра́дуйся, врачева́ний ло́жных гро́зное испроверже́ние;

ра́дуйся, благода́ти Врача́ И́стиннаго к нам привлече́ние.

Ра́дуйся, Твое́ю чистото́ю на́шу скве́рну очища́ющая;

ра́дуйся, Твое́ю благода́тию на́ше недосто́инство просвеща́ющая.

Ра́дуйся, естество́ на́ше тле́нное в нетле́ние облека́ющая;

ра́дуйся, моле́ния на́ша Твои́м предста́тельством укрепля́ющая.

Ра́дуйся, от неможе́ния на́шего нас восставля́ющая;

ра́дуйся, объе́мший нас о́блак страсте́й разгоня́ющая.

Ра́дуйся, Влады́чице, Неупива́емая Ча́ше, духо́вную жа́жду на́шу утоля́ющая.

Пе́ние на́ше смире́нное, от любве́ и усе́рдия Тебе́ приноси́мое, не пре́зри, Чи́стая, и не отврати́ ли́ка Твоего́ от стра́ждущих неду́гом пия́нства и отча́явшихся, но помози́ им и нам очи́ститися от вся́кия скве́рны грехо́вныя, да возмо́жем досто́йно и пра́ведно пе́ти Бо́гу: Аллилу́ия.

Светоприе́мную свещу́ зрим Тя, Пресвята́я Де́во, Твой бо о́браз святы́й луча́ми благода́ти Твоея́ мглу грехо́вную прогоня́ет и на све́тлую стезю́ доброде́телей наставля́ет с ве́рою зову́щих Ти такова́я:

Ра́дуйся, от суеты́ ми́ра сего́ многомяте́жнаго нас изыма́ющая;

ра́дуйся, прираже́ния страсте́й плотски́х отража́ти нам помога́ющая.

Ра́дуйся, мысль бла́гу в се́рдце на́ше полага́ющая;

ра́дуйся, омраче́нную со́весть на́шу просвеща́ющая.

Ра́дуйся, мучи́тельными неду́ги стра́ждущих избавля́ющая;

ра́дуйся, ко и́скреннему покая́нию и исправле́нию призыва́ющая.

Ра́дуйся, ду́ши всех озло́бленных укрепля́ющая;

ра́дуйся, и́мя Твое́ сла́вящих спаса́ющая.

Ра́дуйся, Влады́чице, Неупива́емая Ча́ше, духо́вную жа́жду на́шу утоля́ющая.

Благода́ть Бо́жия, предста́тельством Твои́м, о Богома́ти, подава́ется всем скорбя́щим, обездо́ленным, вдова́м и ста́рицам, наипа́че же пия́нственным неду́гом стра́ждущим, и не тщи отхо́дят си́и, Пречи́стая, от неупива́емыя ча́ши боже́ственных дарова́ний Твои́х, но неоску́дно цельбы́ получа́юще, Всеблага́я, благода́рственно вопию́т Бо́гу: Аллилу́ия.

Пою́ще Твоя́ чудеса́ и ве́лию ми́лость, стра́стию пия́нства одержи́мым явле́нную, мо́лим Тя, Влады́чице, спаси́ и поми́луй, и наста́ви на стезю́ пра́ву, и не оста́ви нас, покро́ва Твоего́ и́щущих и зову́щих Ти:

Ра́дуйся, ро́су ми́лости Твоея́ нам низводя́щая;

ра́дуйся, от пристра́стия к хмельно́му питию́ свобожда́ющая.

Ра́дуйся, от пия́нственныя стра́сти врачева́ние;

ра́дуйся, в разслабле́нии су́щим кре́пкое поможе́ние.

Ра́дуйся, го́рдыя смиря́ющая;

ра́дуйся, смире́нныя возвыша́ющая.

Ра́дуйся, малоду́шных ди́вное ободре́ние;

ра́дуйся, благоду́шных ве́лия ра́досте.

Ра́дуйся, Влады́чице, Неупива́емая Ча́ше, духо́вную жа́жду на́шу утоля́ющая.

О преми́лостивая Ма́ти Сладча́йшаго Го́спода на́шего Иису́са Христа́! Ны́нешнее на́ше услы́ши моле́ние и изба́ви нас от всех неду́гов душе́вных и теле́сных, наипа́че же исцели́ пия́нством стра́ждущия, да не во зле поги́бнут, но да спасе́ннии Тобо́ю при́сно вопию́т Бо́гу: Аллилу́ия.

Сей конда́к глаго́лется три́жды. И па́ки чте́тся 1-й и́кос и 1-й конда́к.

О Премилосе́рдая Влады́чице! К Твоему́ заступле́нию ны́не прибега́ем, моле́ний на́ших не пре́зри, но ско́ро исцели́ тя́жким неду́гом пия́нства одержи́мых бра́тий и сестр на́ших и того́ ра́ди от ма́тере своея́, Це́ркве Христо́вы, и от спасе́ния отпада́ющих. О Всеми́лостивая Ма́ти Бо́жия, косни́ся серде́ц их и ско́ро возста́ви от паде́ний грехо́вных, исцели́ я и ко спаси́тельному воздержа́нию приведи́. Умоли́ Сы́на Своего́, Христа́ Бо́га на́шего, да прости́т нам согреше́ния на́ша и не отврати́т ми́лости Своея́ от люде́й Свои́х, но да укрепи́т их в трезве́нии и целому́дрии. Приими́, Пресвята́я Богоро́дице, моли́твы роди́телей, о ча́дех свои́х сле́зы пролива́ющих; жен, о муже́х свои́х рыда́ющих; чад, си́рых и убо́гих, заблу́дшими оста́вленных, и всех нас, к ико́не Твое́й припа́дающих, – и да прии́дет сей вопль наш моли́твами Твои́ми ко Престо́лу Всевы́шняго. Покры́й и соблюди́ нас от лука́ваго ловле́ния и все́х ко́зней вра́жиих, в стра́шный же час исхо́да на́шего помози́ проити́ непреткнове́нно возду́шная мыта́рства и моли́твами Твои́ми изба́ви ве́чнаго осужде́ния, да покры́ет нас ми́лость Бо́жия во ве́ки веко́в. Ами́нь.

Нашли ошибку? Выделите её и нажмите Ctrl+Enter

Чтение акафистов или канонов дома

При чтении акафиста или канона келейно (дома) используется обычное начало и окончание молитв. Такое же привычное начало и окончание есть в утренних молитвах. Поэтому, если акафист или канон читается в соединении с утренним или вечерним правилом, читать еще и приведенные ниже молитвы не нужно. Акафист или канон читается в таком случае после утренних или вечерних молитв, перед окончанием молитв, т.е. перед молитвой «Достойно есть».

Моли́твами святы́х оте́ц на́ших, Го́споди Иису́се Христе́, Бо́же наш, поми́луй нас. Ами́нь.

Сла́ва Тебе́, Бо́же наш, сла́ва Тебе́.

Молитва Святому Духу

Царю́ Небе́сный, Уте́шителю, Ду́ше и́стины, И́же везде́ сый и вся исполня́яй, Сокро́вище благи́х и жи́зни Пода́телю, прииди́ и всели́ся в ны, и очи́сти ны от вся́кия скве́рны, и спаси́, Бла́же, ду́ши на́ша.

От Пасхи до Вознесения вместо этой молитвы читаем: «Христо́с воскре́се из ме́ртвых, сме́ртию смерть попра́в, и су́щим во гробе́х живо́т даровав» (трижды). От Вознесения до Троицы ее не читаем вообще.

Трисвятое

Святы́й Бо́же, Святы́й Кре́пкий, Святы́й Безсме́ртный, поми́луй нас. (Читается трижды, с крестным знамением и поясным поклоном.)

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Молитва Пресвятой Троице

Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.

Го́споди, поми́луй. (Трижды). Сла́ва, и ны́не:

Вместо «Слава, и ныне:» читается «Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь». Вместо «Слава:» читается «Сла́ва Отцу́ и Сы́ну и Свято́му Ду́ху». Вместо «И ныне:» читается «И ны́не и при́сно и во ве́ки веко́в. Ами́нь».

Молитва Господня

О́тче наш, И́же еси́ на Небесе́х, да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на Небеси́ и на земли́. Хлеб наш насу́щный да́ждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго.

Прииди́те, поклони́мся Царе́ви на́шему Бо́гу. (Поклон)

Прииди́те, поклони́мся и припаде́м Христу́, Царе́ви на́шему Бо́гу. (Поклон)

Прииди́те, поклони́мся и припаде́м Самому́ Христу́, Царе́ви и Бо́гу на́шему. (Поклон)

Псалом 50

Поми́луй мя, Бо́же, по вели́цей ми́лости Твое́й, и по мно́жеству щедро́т Твои́х очи́сти беззако́ние мое́. Наипа́че омы́й мя от беззако́ния моего́, и от греха́ моего́ очи́сти мя; я́ко беззако́ние мое́ аз зна́ю, и грех мой предо мно́ю есть вы́ну. Тебе́ Еди́ному согреши́х и лука́вое пред Тобо́ю сотвори́х, я́ко да оправди́шися во словесе́х Твои́х, и победи́ши внегда́ суди́ти Ти. Се бо, в беззако́ниих зача́т есмь, и во гресе́х роди́ мя ма́ти моя́. Се бо, и́стину возлюби́л еси́; безве́стная и та́йная прему́дрости Твоея́ яви́л ми еси́. Окропи́ши мя иссо́пом, и очи́щуся; омы́еши мя, и па́че сне́га убелю́ся. Слу́ху моему́ да́си ра́дость и весе́лие; возра́дуются ко́сти смире́нныя. Отврати́ лице́ Твое́ от грех мои́х и вся беззако́ния моя́ очи́сти. Се́рдце чи́сто сози́жди во мне, Бо́же, и дух прав обнови́ во утро́бе мое́й. Не отве́ржи мене́ от лица́ Твоего́ и Ду́ха Твоего́ Свята́го не отыми́ от мене́. Возда́ждь ми ра́дость спасе́ния Твоего́ и Ду́хом Влады́чним утверди́ мя. Научу́ беззако́ныя путе́м Твои́м, и нечести́вии к Тебе́ обратя́тся. Изба́ви мя от крове́й, Бо́же, Бо́же спасе́ния моего́; возра́дуется язы́к мой пра́вде Твое́й. Го́споди, устне́ мои́ отве́рзеши, и уста́ моя́ возвестя́т хвалу́ Твою́. Я́ко а́ще бы восхоте́л еси́ же́ртвы, дал бых у́бо: всесожже́ния не благоволи́ши. Же́ртва Бо́гу дух сокруше́н; се́рдце сокруше́нно и смире́нно Бог не уничижи́т. Ублажи́, Го́споди, благоволе́нием Твои́м Сио́на, и да сози́ждутся сте́ны Иерусали́мския. Тогда́ благоволи́ши же́ртву пра́вды, возноше́ние и всесожега́емая; тогда́ возложа́т на oлта́рь Твой тельцы́.

Символ веры

1Ве́рую во еди́наго Бо́га Отца́ Вседержи́теля, Творца́ не́бу и земли́, ви́димым же всем и неви́димым. 2И во еди́наго Го́спода Иису́са Христа́, Сы́на Бо́жия, Единоро́днаго, И́же от Отца́ рожде́ннаго пре́жде всех век. Све́та от Све́та, Бо́га и́стинна от Бо́га и́стинна, рожде́нна, несотворе́нна, единосу́щна Отцу́, И́мже вся бы́ша. 3Нас ра́ди челове́к и на́шего ра́ди спасе́ния сше́дшаго с небе́с и воплоти́вшагося от Ду́ха Свя́та и Мари́и Де́вы и вочелове́чшася. 4Распя́таго же за ны при Понти́йстем Пила́те, и страда́вша, и погребе́нна. 5И воскре́сшаго в тре́тий день по Писа́нием. 6И возше́дшаго на Небеса́, и седя́ща одесну́ю Отца́. 7И па́ки гряду́щаго со сла́вою суди́ти живы́м и ме́ртвым, Его́же Ца́рствию не бу́дет конца́. 8И в Ду́ха Свята́го, Го́спода, Животворя́щаго, И́же от Отца́ исходя́щего, И́же со Отце́м и Сы́ном спокланя́ема и ссла́вима, глаго́лавшаго проро́ки. 9Во еди́ну Святу́ю, Собо́рную и Апо́стольскую Це́рковь. 10Испове́дую еди́но креще́ние во оставле́ние грехо́в. 11Ча́ю воскресе́ния ме́ртвых, 12и жи́зни бу́дущаго ве́ка. Ами́нь.

Здесь читаем акафист или канон.

Общепринятые сокращения. Вместо надписи «Слава:» или «Троичен:», читается «Сла́ва Отцу́ и Сы́ну и Свято́му Ду́ху». Вместо надписи «И ныне:» или «Богородичен:» читается «И ны́не и при́сно и во ве́ки веко́в. Ами́нь». Вместо «Сла́ва, и ны́не:» читается «Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь».

Замечание по чтению канона. Ирмос на богослужении поется на глас канона. Если нет возможности петь, его можно прочесть. Каждая песнь состоит из тропарей. Перед чтением каждого тропаря добавляется припев. Праздникам: Сла́ва Тебе́, Бо́же на́ш, сла́ва Тебе́. Богородице: Пресвята́я Богоро́дице, спаси́ на́с. Святым: Святи́телю о́тче на́ш Нико́лае, моли́ Бо́га о на́с; Преподо́бне о́тче на́ш Се́ргие, моли́ Бо́га о на́с; Свята́я блаже́нная ма́ти на́ша Ксе́ние, моли́ Бо́га о на́с. Если перед тропарем стоит обозначение «Слава:» или «Троичен:», то тропарь посвящен Господу и вместо припева читается «Слава:» (см. общепринятые сокращения). Если тропарь надписан «И ныне:» или «Богородичен:», то он посвящен Пресвятой Богородице и также читается без припева. Если в песни нет троична, а только богородичен, перед ним читается «Сла́ва, и ны́не:». Если нет и богородична (в канонах Пресвятой Богородице), то «Сла́ва, и ны́не:» читается после всех тропарей. В восьмой песне вместо «Сла́ва Отцу́ и Сы́ну и Свято́му Ду́ху» читается «Благослови́м Отца́ и Сы́на и Свята́го Ду́ха Го́спода». После 3-й и 6-й песни (при домашнем чтении) читается трижды «Го́споди, поми́луй».

Представленные на Акафистнике каноны предназначены, в первую очередь, для домашнего чтения и содержат некоторые упрощения (убраны подобны, катавасии, номера гласов, повторения тропарей и т.п.). Тексты для богослужения доступны в «зеленых» и «коричневых» минеях.

Замечание по чтению акафиста (помещено в каждом акафисте после 13-го кондака). Первые 12 кондаков и икосов прочитываются обычно. Кондак 13-й прочитывается три раза с поклонами. После этого читается 1-й икос, который находится в начале акафиста, сразу за 1-м кондаком. Затем прочитывается и 1-й кондак. После него читаются молитвы, расположенные в конце акафиста.

Соединение двух и более канонов. Соединение канонов производится согласно Типикону или богослужебным указаниям. Если у вас нет под рукой этих книг или вы не знаете, как ими пользоваться, можно действовать по упрощенной схеме. Первыми читаются каноны ко Господу и праздникам. Вторыми — Пресвятой Богородице. Третьими — святителям, преподобным, мученикам, праведникам и другим святым. В начале каждой песни читается ирмос первого канона, потом по очереди все его тропари с припевами, потом тропари очередной песни второго канона и т.д.

Соединение канона с акафистом (если канон и акафист одному и тому же празднику, или иконе Пресвятой Богородицы, или святому). Акафист читается после 6-й песни канона вместо кондака и икоса, которые приведены в каноне.

Окончание молитв

Досто́йно есть я́ко вои́стину блажи́ти Тя Богоро́дицу, Присноблаже́нную и Пренепоро́чную и Ма́терь Бо́га на́шего. Честне́йшую Херуви́м и сла́внейшую без сравне́ния Серафи́м, без истле́ния Бо́га Сло́ва ро́ждшую, су́щую Богоро́дицу Тя велича́ем (поклон).

От Пасхи до Вознесения вместо этой молитвы читается припев и ирмос 9-й песни Пасхального канона:

А́нгел вопия́ше Благода́тней: Чи́стая Де́во, ра́дуйся! И па́ки реку́: ра́дуйся! Твой Сын воскре́се тридне́вен от гро́ба и ме́ртвыя воздви́гнувый; лю́дие, весели́теся! Свети́ся, свети́ся, но́вый Иерусали́ме, сла́ва бо Госпо́дня на тебе́ возсия́. Лику́й ны́не и весели́ся, Сио́не. Ты же, Чи́стая, красу́йся, Богоро́дице, о воста́нии Рождества́ Твоего́.

Сла́ва, и ны́не: Го́споди, поми́луй. (Трижды)

Го́споди, Иису́се Христе́, Сы́не Бо́жий, моли́твами Пречи́стыя Твоея́ Ма́тере, преподо́бных и богоно́сных оте́ц на́ших и всех святы́х поми́луй и спаси́ нас, я́ко Благ и Человеколю́бец. Ами́нь.

Что такое акафист и когда его читают

Акафист поют перед иконами. Торжественные песнопения возносят Святым, Пресвятой Деве Марии и Спасителю Иисусу Христу. Гимны можно петь дома или заказывать в храме, как и молебны.

Кстати, прийти в храм лучше на вечерней службе, когда не так много людей, есть время для спокойного рассматривания икон и книг, которые продаются в церковной лавке, можно задать вопросы, касающиеся подачи записок, молебнов и акафистов.

В это время никто не спешит, очередей нет, к тому же можно прийти на исповедь и Елеопомазание.

Оглавление:

  • Что такое акафист и когда его читают
  • Как читать акафист в домашних условиях
  • Можно ли читать акафист сидя
  • Акафист Пресвятой Богородице
  • Акафист Ангелу Хранителю
  • Акафист Спиридону Тримифунтскому
  • Устав чтения акафиста Николаю Чудотворцу
  • Как правильно читать акафист перед иконой «Неупиваемая чаша» дома
  • Чем отличается канон от акафиста
  • Какой акафист читать за детей
  • Расписание чтения акафистов на каждый день недели
  • Зачем читать акафист 40 дней

Акафисты – поэтические произведения, торжественные песнопения, возносимые в честь Иисуса Христа, Богоматери или Святых.

Такие гимны имеют особенную структуру, каждый акафист включает в себя по 25 песен, все они располагаются в порядке греческого алфавита. Эти песни в свою очередь еще подразделяются на кондаки и икосы.

Кондак – это небольшая хвалебная песня, в которой описывается событие или деяние, связанное со святым. Кондак оканчивается словами «Аллилуйя», что в переводе с еврейского значит — «восхваляйте Бога». В акафисте 13 кондаков.

Икос – это пространная песнь, она более подробно раскрывает воспеваемое событие. Песня завершается словом «радуйся». Акафист включает в себя 12 икосов. Кодаки и икосы чередуются.

Как читать акафист в домашних условиях

Акафисты читают стоя, повернувшись пи этом лицом к иконе того Святого, кому возносится хвалебная песнь. Таким образом можно воспевать святых дома перед иконой, а если иконы нет, прийти в храм.

В крайнем случае, если нет иконы и нет возможности прийти в храм, акафист можно пропеть, обратившись лицом на восток.

Перед пением акафиста следует прочитать предначинательные молитвы, это может быть «Отче наш». В любом молитвослове, который легко можно купить в храме в церковной лавке, имеются такие молитвы — перед началом всякого дела и по его окончании.

Мы просим у Господа помощи начать доброе дело, благословить нас на подвиг, быть нашим проводником, а после завершения — благодарим Господа за Его помощь.

Завершают акафист молитвой, посвященной Святому, которому был произнесен акафист. Как правило, тексты хвалебных гимнов существуют на церковнославянском языке. Бывает, что на русском языке даются комментарии к каждой из песен.

Можно ли читать акафист сидя

Само слово акафист переводится как «неседальное пение», это значит, что не только читать, но и слушать его нужно стоя. Сидеть разрешено только тем, кто болен и не может долго стоять.

Акафист Пресвятой Богородице

Пресвятой Богородице посвящено множество акафистов, каждый из которых воспевает одно событие: Благовещение Пресвятой Богородицы, Покров, Рождество, Успение Богородицы и другие. Первый акафист был посвящен именно Пресвятой Богородице и был написан после освобождения Константинополя от нападения персов в 626 г.

Акафист Ангелу Хранителю

У каждого христианина есть Ангел Хранитель, который дается ему во время таинства Крещения. Человек в любой момент может обратиться к своему Ангелу за помощью.

Акафист Ангелу Хранителю следует читать каждую неделю. Обычно это делают в начале седмицы, а именно – в понедельник. Воспевая Ангела Хранителя, человек выражает ему свою благодарность и уважение.

Акафист Спиридону Тримифунтскому

Святитель Спиридон — защитник обездоленных, бездомных, ходатай за всех, кто нуждается в материальной помощи, помогая найти достойную работу и оплату труда.

Устав чтения акафиста Николаю Чудотворцу

Николай Чудотворец один из самых почитаемых святых в православном мире. Акафист святому был написан после его кончины. Текст акафиста состоит из жизнеописаний Чудотворца.

Акафист Николаю Чудотворцу читается в течение 40 дней, в этом случае нужно брать благословение у батюшки. Почему 40 дней? Прося помощи у Святых, мы и сами должны принести духовный подвиг, показать своё усердие и проявить твердость в вере.

Как правильно читать акафист перед иконой «Неупиваемая чаша» дома

«Неупиваемая чаша» – икона Пресвятой Богородицы, которая обладает целительными свойствами. Перед этим святым образом матери молятся за пьющих сыновей и дочерей, жёны — за мужей, и сами верующие, кто желает избавиться от этого недуга, просят помощи у Пресвятой Богородицы.

Акафист перед иконой «Неупиваемая чаша» читают стоя. Голову следует очистить от посторонних помыслов. Мысли должны быть светлыми и чистыми, душа полна веры в Бога.

Чем отличается канон от акафиста

Канон и акафист представляют собой торжественные песнопения в честь Святых. В канонах воспеваются ветхозаветные и новозаветные события, а в акафисте — только новозаветные.

Каноны писаны исключительно святыми отцами, отдельные акафисты писали обычные миряне.

В канон включено 8 песен. Каноны можно петь круглый год, акафисты в дни поста не поют, за исключением воскресенья.

Кроме того, порядок пения канонов установлен Церковью. Они поются в соответствии с точным расписанием, а вот акафисты человек заказывает по своему усмотрению.

Какой акафист читать за детей

За детей и за себя поют акафист Пресвятой Богородице и Иисусу Сладчайшему.

Пресвятая Дева всегда помогает детям и оберегает их. Можно обратиться к Казанской иконе Пресвятой Богородицы. Эта чудотворная икона вот уже не одно столетие спасает людей. Акафист произносится перед иконой Божией Матери, взор при этом нужно обратить на образ. Акафист произносится стоя.

Акафист перед иконой Пресвятой Богородицы «Прибавление ума» читают родители, кто хочет жить и воспитывать своих детей по воле Божьей, но не знает, как это сделать. Богородица слышит молитвы матерей и отцов, направляет на правильный жизненный путь, дает помощь и мудрость.

Читая акафист перед чудотворной иконой Божией Матери «Воспитание», родители просят Богородицу взять детей под свою защиту и покровительство, помочь воспитать чад добрыми христианами, наполнить сердце мудростью и дать ясного ума в прохождении жизненного пути.

Расписание чтения акафистов на каждый день недели

Как такового расписания, в какой день недели какой акафист читать, не существует в Православной церкви.

Изначально существовало только два хвалебных гимна — Господу Иисусу Христу и Божьей Матери. Именно их и рекомендует Православная церковь читать ежедневно, попеременно — день Матери Божьей, день — Её Сыну Иисусу Христу.

Многие спрашивают, сколько можно читать акафистов в день или неделю и можно ли молиться за себя. За себя молиться не только можно, но и нужно, этому учит нас Сам Господь Иисус Христос. А тем более, если нам доверены на воспитание дети, нам нужно просить помощи ещё и для себя, чтобы были силы, мудрость, любовь и твердая вера.

Священники рекомендуют читать хвалебное пение тогда, когда просит душа или есть особенная нужда. В церкви не читаются акафист Великим постом, а дома — можно читать в течение всего года, кроме Страстной седмицы, когда рекомендуется быть на службах в храме, где каждый день посвящен одному из последних событий в жизни Иисуса Христа.

Кстати, у каждого Святого есть свой праздник, день памяти. В этот день в церкви поют акафисты в его честь.

Зачем читать акафист 40 дней

Иисус Христос молился и постился 40 дней в пустыне, на земле до Вознесения Христос находился 40 дней, 40 дней на земле шёл дождь, когда Ной находился в ковчеге…

Число 40 в православии наделено особым значением. Согласно Библии многие важные события длились 40 дней или 40 лет.

Это число означает полноту, завершение и совершенство. На такой молитвенный труд нужно брать благословение священника.

Читать акафисты можно в любое время, когда просит душа, и не обязательно именно 40 раз. Можно самостоятельно выбрать хвалебный гимн — кому вы хотите молиться. Главное, чтобы слова проходили через сердце, мысли были чистыми, а вера крепкая.

Не стоит так же забывать о том, что нагромоздить на себя можно много самостоятельно, все таки рекомендуется брать благословение и совет у священника, который подскажет, как правильно поступить и увидит, полезен ли вам будет этот молитвенный труд.

Добавить комментарий

Ваш e-mail не будет опубликован. Обязательные поля помечены *